आइसीसी टेस्ट ब्याट्सम्यानको शीर्ष स्थानमा अष्ट्रेलियाका स्मिथ यथावत

कृपैया थप अपडेट तथा ताजा समाचारको लागी तल बायाँ तर्फ रहेको BELL ICON मा PRESS गर्न नबिर्सिनु होला।

एजेन्सी : आईसीसीको टेस्ट ब्याट्सम्यानको वरीयतामा अष्ट्रेलियाका ब्याट्सम्यान स्टिभ स्मिथ शीर्ष स्थानमा कायमै रहेका छन् ।

अन्तर्राष्ट्रिय क्रिकेट काउन्सिल (आईसीसी) ले बुधबार सार्वजनिक गरेको नयाँ वरीयतामा पनि स्मिथ शीर्ष स्थानमा यथावत रहेका हुन् ।

ब्याटिङतर्फ भारतीय क्रिकेट टोलीका कप्तान विराट कोहली दोस्रो स्थानमा यथावत रहेका छन् ।

यस्तै अष्ट्रेलियाका मार्नुस लाबुस्चाग्ने तेस्रो, इंग्ल्याण्डका बेन स्टोक्स चौथो र न्युजिल्याण्डका केन विलियम्सन पाँचौ स्थानमा रहेका छन् ।

बलिङतर्फ अष्ट्रेलियाका पाट कुमिन्स शीर्ष स्थानमा यथावत छन् भने न्युजिल्यान्डका निल वाग्नेर दोस्रो स्थानमा रहेका छन् ।

इंग्ल्यान्डका स्टुवार्ट ब्रोड तेस्रो स्थानमा उक्लिएका छन् । यस्तै न्युजिल्यान्डका टिम साउथी चौथो र वेष्ट इन्डिजका जासन होल्डर पाँचौँ स्थानमा झरेका छन् ।